CAGAYAN DE ORO CITY – Napun-an na sa laing tulo ka pasyente nga positibo sa coronavirus disease ang rehiyon sa Northern Mindanao.
Kini human ilugwa sa Dept of Health o DoH nga nagpositibo sa maong sakit ang tulo ka local stranded individuals nga gikan sa Ozamiz City,Oroquieta City ug lungsod sa Tudela,Misamis Occidental.
Miingon si DoH -10 regional director Dr Adriano Suba-an nga nagpasabot lamang kini nga wala pa’y angay ihatag nga kumpiyansa ang publiko batok sa maong sakit.
Una nang gilugwa sa DOH-COVID 19 briefer no. 125 nga sa mil-212 ka suspects,mil-128 sa mga pasyente ang pulos buhi samtang 943 kanila ang negatibo sa gihimong RT-PCR test.
Samtang negatibo na sa mga residente nga nakasinati sa respiratory tract infection nga naggikan diha sa Sitio Macanhan,Brgy Carmen sa syudad.
Miingon si City Epidemiologist Dr Joselito Retuya nga epekto kini sa padayon nga contact tracing ug pag-contain sa mga lugar nga adunay nagpositibo sa Covid-19.
Gibutyag ni Retuya nga maoy nakasinati sa ARI ug ILI kadtong mga brgy nga walay kaso sa Covid-19 apan dili angayang kabalak-an tungod kay kanunay ang monitoring sa ilang grupo kalabot na sa maong kaso.
Padayon ang gihimo nga monitoring sa mga BHERTS sa mga lugar nga adunay Covid-19 positive.
Samtang nakarekober na sa conaravirus ang 3 ka pasyente sa lalawigan sa Bukidnon.
Gibutyag ni Cabanglasan Mayor Renante Inocando, kinsa presidente sa liga sa mayores sa Bukidnon nga sa pito ka natakbuyan sa covid-19 sa ilang probinsya, luwas na ang tulo samtang padayon pang naka kwarantinas ang laing tulo.
Gitin-aw usab ni Inocando nga atua sa kauluhan ang laing usa ka pasyente.
