CAGAYAN DE ORO CITY – Giisa sa Police Regional Office 10 ang taas nga alerto sa rehiyon alayon sa laing hugna sa State of the Nation Address ni Pres Bongbong Marcos sa Batasang Pambansa unyang hapon.
Miingon si PRO-10 spokesperson Maj Joann Navarro nga nag-unang tuyo niini nga walay kasamok nga makabalda sa kahusay’g kalinaw samtang mohimo’g pagtaho si Marcos sa kahimtang sa nasud.
Miingon si Navarro nga hugot ang ilang koordinasyon ngadto sa govt friendly forces ilabina sa 4ID,Philippine Army aron santaon ang bisan unsa nga hulga sa seguridad sa Northern Mindanao region.
Hisayrang mopakatag sa sobra mil-500 ka pulis ang Camp Alagar alang sa maong kalihukan ning adlawa.
