CAGAYAN DE ORO CITY – Nagpabiling negatibo sa kaso sa ‘vote buying’ ang rehiyon sa Northern Mindanao sa 39 ka adlaw nga nabilin sa dili pa ang piliay sa Mayo 12 ning tuiga.
Kini ang kompirmasyon ni Commission on Elections 10 regional director Atty. Renato Magbutay kabahin sa monitoring sa lima ka probinsya sa rehiyon.
Gihimo ni Magbutay ang katin-awan nunot sa gitaho sa ilang central office nga nakatala na’g 34 ka vote buying ug abuse of state resources o ASR cases bisan nga dako kining gidili sa balaod.
Miingon si Magbutay nga sa 23 ka vote-buying ug vote-selling ingon man 11 ka ASR, wala sukad nalambigit niini ang mga kandidato sa rehiyon.
Apan siya miingon nga wala kini nagpasabot nga mohunong na sila sa pag-monitor batok sa tanang mga kahiwian nga posibleng mahitabo sulod sa sobra bulan nga nabilin ayha ang bugnong lugaynon.
Hisayrang tinuyo nga gitukod ang committee on Kontra-Bigay nga gipanguluhan ni Comelec Commissioner Ernesto Maceda Jr nga nakabase sa kauluhan.
