Andam ang grupo sa peace advocates pinanguluhan ni IFI Bishop Felixberto Calang nga mosaka sa bukid aron hinagbuon ang grupo sa NPA nga midagit sa usa ka pulis diha sa lungsod sa Talakag,Bukidnon.
Kini human angkona sa mg rebelde nga sila ang midagit kang PO3 Jerome Anthony Natividad nga naka-destino sa Kalilangan Police Station.
Miingon si Calang nga krusada niya nga makatabang matag-panahon nga adunay sakop sa gobierno nga madagit sa pikas grupo aron mabuhian.
Si Natividad ang nasikop human masapon sa gilusad nga checkpoint sa 200 ka NPA sa Brgy Tikalaan,Talakag,Bukidnon sa miaging semana.
Samtang lakip nga giampo sa kadagkuan sa PNP-10 ang pagpakgang sa mga atake nga ilusad sa rebeldeng NPA sa soft targets dinhi sa rehiyon.
Kini alayon sa gipahigayon nga pagsaulog sa ika-26 ka tuig nga anibersaryo sa PNP diin may ilusad nga kalihukan diha sa Camp Alagar.
Miingon si PNP regional spokesperson Supt Lemuel Gonda nga maoy ilang gidapit nga mohatag sa pakigpulong sa kalihukan si Regional Peace and Order Council chairman City Mayor Oscar Moreno.
