CAGAYAN DE ORO CITY – Apektado ang dul-ag napulo ka biyahe sa mga eroplano nga gikan sa kauluhan padulong unta sa Laguindingan Airport sa Misamis Oriental.
Kini ang kumpirmasyon ni Civil Aviation Authority of the Philippines o CAAP-10 information officer Ariel Paderan epekto sa Taal volcano sa Batangas.
Siya miingon nga mismo ang ilang central office maoy nagpakanselar sa biyahe sa Cagayan de Oro City padulong Clark, Pampanga; Cagayan de Oro City padulong Manila ug vice versa.
Base sa talaan sa ahensiya, 3 ka flights ang gikansela sa Cebu Pacific; 3 sa Air Asia ug 2 sa Philippine Airlines.
