Kasarangan nga pag-ulan, apan dili lahutay ang masinatian sa sayong bahin sa buntag sa Northern Mindanao, Davao Region, Caraga, SOCCSKSARGEN, Lanao del Sur, Maguindanao del Norte, ug Maguindanao del Sur epekto sa Easterlies ug severe thunderstorms (STS).
Ang uban bahin sa Pilipinas makasinti sa panagsang pagdag-um sa kalangitan ug pagpat-ak pat-ak sa ulan ilabe sa hapon o gabie.
Ang Metro Manila ug National Capital Region makasinati sa fine weather sa buntag apan 36% chance of rain sa hapon o gabie. Ang huyop sa hangin kasarangan padulong sa kusog nga muabot sa 26km matag oras. Ang heat index musangko na sa 38 °C sugod sa alas 12 sa udto padulong sa alas-4 sa hapon.
Ang VISAYAS AREA makasinati sa labing igang nga panahon kundiin ang probinsya sa Iloilo makasinati sa 40 degrees celsius sugod alas 11 sa buntag ug musamot pa sa 41 degrees celsius sa pagka-alas 2 sa hapon. Adunay 22% chance of rain sa hapon. Ang huyop sa hangin muabot sa 16km matag oras.
Ang EASTERN VISAYAS makasinati sa heat index nga 36 degrees celsius.
Ang Western Visayas makasinati sa 37 degrees celsius ug kasarangan nga huyop sa hangin nga muabot sa 26km matag oras ug halos walay tsansa sa ulan.
Ang Cagayan de Oro makasinati sa heat index nga muabot sa 34 degrees celsius. Ang Laguindingan Airport adunay 36 degrees celsius nga heat index. Ang syudad makasinati sa 405 chance of rain unyang hapon. Hinay lang ang huyop sa hangin nga muabot sa 15km matag oras.
Ang Misamis Oriental makasinati sa 35 degrees celsius nga heat index ilabe na sa alas-2 paingon sa alas-4 sa hapon. Hinoon adunay 40% chance of rain sa pagkahapon.
Ang Camiguin Island adunay 33 degrees heat index, 20 km matag oras ang huyop sa hangin ug makatagamtam sa pagpanaligsik sa hapon.
Ang probinsya sa Bukidnon adunay 37 degrees celsius heat index ilabe na sa udto padulong alas 4 sa hapon. Kasarangan padulong sa kusog ang huyop sa hangin nga muabot sa 25km matag oras. Adunay 27% chance of rain sa hapon.
