CAGAYAN DE ORO CITY-Maigo sa direksyon sa bagyong Basyang nga nagdala sa gingkusgong hangin nga 65 kilometros kada-oras nga may paghuros nga 80 kilometros kada-takna ang tibuok Northern Mindanao ning adlawa.
Kini sa oras nga mohimo na’g pagdagpak ang mata sa bagyo sa Caraga region karong buntag.
Kini human unang gipaubos sa PAG-ASA sa public storm signal no.2 ang Cagayan de Oro City,Bukidnon,Misamis Oriental,Camiguin,Lanao del Norte ug Misamis Oriental tungod sa pagduol na sa mata sa Basyang sa land mass sa Caraga region.
Kabahin usab sa signal no.2 ang Bohol;-Dinagat Island;Negros Oriental;Siquijor;Southern Cebu;Southern Leyte;Surigao del Norte ug Surigao del Sur.
Gilauman ang mga kusog nga pagbundak sa ulan dala sa bagyong Basyang sa maong mga lugar diin posibleng makasinati sa lapad nga mga pagbaha ning adlawa.