CAGAYAN DE ORO CITY –Misaka pa sa mil- 050 ka kompirmadong kaso ang coronavirus disease nga miigo sa mga pasyente sa Northern Mindanao.
Kini human gibutyag sa DoH-10 briefer nga dugang 27 ka bag-ong kaso sa bayrus ang natala nga naggikan sa nagkadiyang bahin sa rehiyon.
Miingon si City Health Office head Dr Lorraine Nery nga sa maong ihap sa mga kompirmadong kaso,anaa sa 235 na ang Cagayan de Oro City diin may tulo na nadugang ning adlawa.
Dugang ni Nery sa 235 ka katibuk-ang kaso sa syudad,150 ka pasyente na ang nangaulian diin lima ang napuno sulod lamang ning adlawa.
Samtang napun-an sa duha ka ang ihap sa mga tawo nga namatay kinsa unang positibo sa coronavirus disease sa rehiyon.
Kini human kompirmaha ni Northern Mindanao Medical Center o NMMC liason officer Dr Bernard Rocha ang kamatayon sa usa ka lalaki ug babaye nga pulos gikan sa Iligan City.
Miingon si Rocha nga pulos nagbaton sa seryoso nga kahimtang ang mga biktima hinungdan sa mga kamatayon niini kagahapong adlawa.
Sa pagkakaron,may pipial ka pasyente nga gikan sa Iligan City nga nadala sa maong ospital.
