Nadugangan pa sa upat ka medalyang bulawan ang nasakmit sa Team Northern Mindanao Stars, alang sa nagpadayong 65th edition Palarong Pambansa 2025, didto sa Laoag City, Ilocos Norte. Kagahapon, nasakmit ni Remias Jr. Paciones, sa Division sa Lanao del Norte ang Gold medal alang sa Boxing- Junior Boys – Pin weight 44-46 KG. Laing gold medal ang nabulsa ni Mark Joseph Manquiquis sa Iligan City ubos sa ๐ ๐ถ๐ป๐ถ๐บ๐๐บ ๐ช๐ฒ๐ถ๐ด๐ต๐ (๐ฐ๐ฒโ๐ฐ๐ด๐ธ๐ด) ๐ฌ๐ผ๐๐๐ต ๐๐ผ๐๐ category. Samtang Silver Medalist ang Cagayan-anon boxer nga si Cris Gabriel Caranay sa Fly Weight 48-50 kg category. Nasakmit ni Jany Soledad nga taga Lanao del Norte, ang bronze nga medalya ubos sa Light Bantam Weight 50-52 kg category.
Sa pikas bahin, nag TOP 1 ang pambato sa Tangub City, Misamis Occidental alang sa ๐ด๐ฌ๐ฌ ๐ ๐ฒ๐๐ฒ๐ฟ ๐ฅ๐๐ป (๐๐น๐ฒ๐บ๐ฒ๐ป๐๐ฎ๐ฟ๐ ๐๐ถ๐ฟ๐น๐). Halos dili maktukib nila Coach Charlee V. Manon-og ang kampeonato nga nasakmit sa ilang atleta nga si Katherine G. Natividad.
Sa Tawkwondo, duha ka Cagayan-anon ang mihakot sa medalyang bulawan, 1 silver ug 3 ka bronze ang naharus sa Team Northern Mindanao Stars. Milanding sa top 1 spot ang Cagay-anong atleta nga si Lucas Leonardo Cabangca, human niya masakmit ang kampeonato sa Kyorugi Secondary Boys – Category 6. Dugang gold medal ang nasakmit ni Julia Kris Oรฑate sa Kyorugi Secondary Girls – Category 4. Samtang milanding sa Second place ang taga Iligan nga si Bryaden Evan Patague sa Kyorugi Secondary Boys – Category 5. Laing bronze nga medalya ang bulsa sa Cagayan -anon nga si Ealthea Mandalunez, sa Kyorugi Secondary Girls – Category 4. Duha ka taga Bukidnon ang misakmit sa bronze nga medalya alang sa Kyorugi Secondary Girls – Category 5, ug Kyorugo Secondary Boys – Categoty 7. Sila Hannaj AAliyah Medado ug Dennis Angelo Baysa pulos mitapos sa ilang Taekwondo event sa 3rd place.
Sa pagkakaron, anaa sa 5th place ang Team Northern Mindanao Stars, pinaagi sa ilang 31 ka gold, 25 silver ug 45 ka bronze medal. Nagpabiling top 1 ang NCR sa iyang 114 gold, 69 silver ug 49 bronze.
