CAGAYAN DE ORO CITY – Midaghan pa ang kaso sa COVID-19 delta variant nga miigo sa upat na probinsya ug laing tulo ka syudad sa Northern Mindanao.
Kini human kompirmaha ni Dept of Health 10 Director Dr Jose LLacuna nga anaa na sa 82 ang kasamtangang delta variant cases tungod sa 48 ka bag-ong natala sa rehiyon sa miaging semana.
Miingon si Llacuna nga labing daghan ang 59 gikan sa Cagayan de Oro;13 sa Bukdinon;9 sa Misamis Oriental;6 sa Iligan City samtang tag-usa ang isla sa Camiguin ug Misamis Occidental.
Sa pagkakaron,gibutyag sa opisyal nga ang pagsunod sa BIDA solusyon ug pagpabakuna lamang ang nakita nila nga epektibong paagi aron pugngan ang paspas delta community transmission nga miigo sa nasud.
Samtang kamulo ang contact tracing ug ang pag-swab test sa mga tawong ulahi gikauban sa 27 ka bag-ong positibo sa COVID-19 delta variant sa syudad.
Gibutyag ni Dr Ted Yu,medical officer sa City Health Office nga sagad sa milangkob sa 6TH BATCH sa delta case ang naggikan katag-katag nga brgy sa dakbayan.
Gani,sa maong mga kaso anaa sa duha ka pasyente ang namatay nga gikan sa Brgy Macasandig ug Bugo ning syudad.
