CAGAYAN DE ORO CITY-Apektado sa linog ang katawhan sa Misamis Oriental ug Cagayan de Oro City kagabii.
Kini human unang mitay-og ang 5.7 magnitude nga linog sa siyam kilometros sa lungsod sa Libjo,Surigao del Sur.
Miingon si Phivolcs regional director Marcial Labininay nga maoy grabeng nakabati sa linog ang katawhan sa Surigao City ingon man ang Easter Samar diin natala sa intensity 5.
Nabatian usab ang intensity 3 sa Gingoog City,Misamis Oriental samtang intensity 2 dinhi syudad ug Camiguin.
Hinoon,wala pa’y natala nga posibleng damyos ang mitay-og nga tectonic in origin nga linog kagabii.
