CAGAYAN DE ORO CITY – Mitala na sa 191 ka pasyente ang namatay tungod sa paghambin sa balatian sa COVID-19 sa Northern Mindanao.
Kini subay sa gipagawas nga data gikan sa Dept of Health 10 ning adlawa.
Gibutyag ni City Health Office head Dra Lorraine Nery may napuno nga 40 ka bag-ong kaso sa bayrus diin naghatod sa total infection nga 6-mil 293 sukad nasudlan ang rehiyon.
Miingon si Nery nga moabot na sa 80.18 percent ang recovery rate o 5-mil 046 ang nangaulian nga mga pasyente batok sa maong bayrus.
Samtang napun-an ang ihap sa mga tawo nga naka-recover batok sa COVID-19 dinhi sa syudad.
Kini human isulti ni CHO head Dra Lorraine Nery nga dugang 53 ang nangaulian batok sa maong balatian.
Gibutyag ni Nery nga sa 2-mil 246 nga total cases,mil-669 kanila ang luwas na batok sa bayrus.Dugang sa opisyal nga anaa pa usab sa 479 ang mga pasyente nga ubos sa medikasyon.
Nagbaton na sa ihap sa mga namatay ang syudad nga 98 ning adlawa.
Sa pikas bahin,nadakpan usab sa kapolisan ang 33 ka residente nga pabiling gahi sa pagsunod sa mga ordinansa nga nag-obligar pagsul-ob sa face mask ug pag-obserbar sa social distancing aron batukan ang COVID-19 sa syudad.
Gibutyag ni COCPO spokesperson Maj Evan Viñas nga 22 mga dinakpan ang pulos anaa sa legal age nga wala magsul-ob sa facemask.
Nasikop usab nila ang lima ka tawo nag nakasupak sa liquor ban ning syudad.Subli nagpasidaan si Viñas nga sundon ang health safety protocols aron dili matakdan sa bayrus nag ikapeligro sa ilang kinabuhi.
