CAGAYAN DE ORO CITY – Misaka pa ngadto sa 2-mil 187 ka residente nga taga-Northern Mindanao nga positibo sa COVID-19.Kini human dugang 43 ka pasyente ang natakdan sa maong bayrus.
Gibutyag ni City Health Office head Dra Lorraine Nery nga subay sa Dept of Health 10 data,anaa sa mil-110 sa mga pasyente ang natakdan tungod sa local transmission sa bayrus.
Mitala usab sa mil- 177 ka returning OFWs o locally stranded individuals.
Nag-una pa gihapon ang Iligan City sa ilang sobra 500 ka kaso sa bayrus ug nagsunod usab ang Cagayan de Oro City.
Samtang napun-an usab sa 11 ka positibong kaso sa bayrus ang dakbayan sa Cagayan de Oro.
Kini subay sa gilugwa sa data sa city health office nga nakatutok sa kahimtang sa katawhan batok COVID-19 sa dakbayan.
Gibutyag ni Nery nga sa maong ihap,pipila niini ang gikan gihapon sa local transmission.
Nagbaton na ang syudad sa 518 ka kaso sa bayrus,17 ang namatay ug 320 ka pasyente nga nakalinggawas sa peligro.
