CAGAYAN DE ORO CITY – Misaka na sa 40 ka positibong kaso sa coronavirus disease 19 ang nahuptan sa Northern Mindanao.
Kini human kompirmaha ni DoH 10 regional director Dr Adriano Suba-an nga laing 16 anyos nga pasyente nga gika’g kauluhan ang nakit-ang positibo sa bayrus pag-abot sa lungsod sa Quezon,Bukidnon.
Miingon si Suba-an unang gipaubos sa rapid test for antibodies ang biktima diin siya nakit-an nga positibo.
Kini ang hinungdan nga gilayon siya gisulod sa Bukidnon Provincial Hospital dihang positibo sa bayrus dihang gipaubos sa RT-PCR kagahapong adlawa.
Subay usab sa data,ang Cagayan de Oro City ang dunay pinakataas nga kaso sa bayrus diin anaa na sa 15.
