CAGAYAN DE ORO CITY – Misaka pa sa mil- 928 ka kaso sa coronavirus disease ang tibuok Northern Mindanao.
Kini subay sa gihatag nga impormasyon sa regional IATF briefing sa katawhan ning syudad.
Miingon si Dept of Health 10 Director Dr Adriano Suba-an nga sa maong ihap,812 niini ang natakdan tungod sa local transmission sa bayrus.
Gibutyag ni Suba-an nga bisan sa pagsaka sa kaso apan pabiling ubos pa gihapon ang porsiento sa mga namatay’ng pasyente diin anaa lamang sa 38 sukad nasudlan sa bayrus ang rehiyon.
Samtang dili makakompirmar si Suba-an kon asa gikan nga national agency ang nagtumbok nga sentro na sa coronavirus disease ang Iligan City sa Northern Mindanao.
Kini human unang ubos sa modified enhanced community quarantine ang maong syudad tungod sa sobra 400 ka positibong kaso sa bayrus.
Gibutyag ni Suba-an nga hinoon nadunggan niya nga mismo ang Iligan IATF ang nagsulti nga tungod sa duha ka tinubdan sa local transmission sa bayrus,nakahukom sila nga ilhon nga epicenter dinhi sa rehiyon.
