CAGAYAN DE ORO CITY – Gimando ni Police Regional Office 10 Director Brig Gen Rolando Anduyan sa ilang ginsakupan ang pagpangita sa mga sakop sa suspected Dawlah Islamiyah Lanao terror group nga naka-eskapo sa paglusob sa CIDG-10 diha sa Phase 2,Brgy Bulua sa syudad.
Kini human gusto unta nga dakpon sa CIDG suspected terrorist nga si Abdul Rahman Limpao Ampang alyas Supida ug Abdul Jalil Abubakar Saruang tungod sa kasong murder.
Gibutyag ni PRO-10 spokespersn Lt Col Mardi Hortillosa nga posibleng wala pa makasibat paggawas sa rehiyon ang mga suspek sa pagsilbi sa tulo ka search warrants sa mga pinuy-anan niini kagahapon sa buntag.
Samtang kasuhan sa CIDG-10 sa illegal possession of explosives ug illegal possession of firearms ang nakasibat nga suspected local terrorist dihang gironda sa Brgy Bulua ning syudad.
Gibutyag ni CIDG 10 regional chief Lt Col Choli Jun Caduyac nga lapdan pa nila ang ilang koordinasyon sa ubang intelligence community aron masikop ang grupo ni Abdulrahman Impang nga nakasulod sa syudad sukad sa Pebrero ning tuiga.
Gihupay usab ni Caduyac ang kabalaka sa publiko nga dili sakop sa ISIS terror group ang mga suspek apan nakabase lamang sa Lanao del Sur nga mga pundok sa mga armado.
Maoy narekober sa raiding team ang bandila sa mga terorista, duha armas ug ang kasangkapan paghimo’ sa bomba.
Dugtong niini,angayang walay ihatag nga kumpiyansa ang katawhan samtang tinguhaon sa gobierno nga mabatukan ang bisan unsa nga sabotahe nga isabwag sa grupo sa mga dautang tawo dinhi sa syudad.
Kini ang gipaabot nga mensahe ni City Mayor Oscar Moreno tungod sa pagkasudli sa syudad sa suspected local terror group ug nagpondo diha sa Brgy Bulua sa dakbayan.
Gibutyag ni Moreno nga dili angay mag-usik sa higayon ang publiko apan kinahanglan nga mag-alerto aron kalikayan ang laing bombing incident sama sa pagkamatay sa daghang kinabuhi sa nahitabo sa Kyla Bistro syudad tuig 2013.
