CAGAYAN DE ORO CITY – Gihupay sa Dept of Agriculture o DA-Northern Mindanao nga pabiling negatibo sa African Swine Fever ang mga baboy nga makita dinhi sa rehiyon.
Kini bisan nga daghang kanasuran na sa Asya ug Uropa ang nasudlan sa maong sakit diin apektado ang pork importation nila ngadto sa ubang mga lugar sa kalibutan.
Miingon si DA Regulatory Division staff Dr Jules Maquiling nga dili angay magkumpiyansa ang hog raisers aron dili maapektuhan ang mga karne sa rehiyon.
Hinoon,dili makatakod sa tawo ang maong sakit gikan sa baboy apan mas maayo nga sumpu-on nang daan kaysa makasinati ang rehiyon diin no.3 hog producing region sa tibuok nasud.
