CAGAYAN DE ORO CITY – Suspendido na sa unom ka bulan ang mga brgy kapitanes nga gitoohang mikawkaw ug wala mipalugwa sa tukmang kantidad sa Social Amelioration Program o SAP cash aid alang sa mga pamilya nga apektado sa COVID-19 pandemic.
Gikompirmar ni Pres Rodrigo Duterte nga kabahin sa gisuspenso ni Duterte sila si Camilo Banduyan sa Iligan City;Jocelyn Janiosa sa Baungon,Bukidnon ug Zosimo Laspico sa lungsod sa Salay,Misamis Oriental.
Miingon si Duterte nga gipang-suspenso sa trabaho ang maong mga kapitanes samtang gidungog ang ilang kasong kurapsyon sa Ombudsman tungod sa kasupakan.
Gitahasan sa presidente ang Ombudsman nga imbistigaran ang maong elected brgy officials samtang gipaubos sa suspension.
