CAGAYAN DE ORO CITY – Gipanganti ni Police Regional Office 10 Director Brig Gen Rolando Anduyan nga dili itugot nga masagulan sa binuang ang maayong tumong sa organizers sa community pastry nga nakaabot na dinhi sa dakbayan.
Kini ang hinungdan nga nakaandam sila paghatag seguridad kon modaghan pa ang mohimo sa maong inisyatiba pagtabang sa katawhan nga nanginahanglan sa ayuda ning panahon sa krisis.
Miingon ang heneral nga motabang sila sa organizers aron mas madali ang pagtunol sa mga residente nga intresado sa libreng mga produkto nga madali sa community pastry sa syudad.
Samtang walay kamanduan nga nadawat ang 4th ID,Philippine Army gikan sa Kampo Aguinaldo nga manghilabot kon unsay inisyatiba sa pipila ka personalidad nga makatabang sa kapit-os sa katawhan ubos sa ilang area of responsibility.
Miingon si 4th ID spokesperson Maj Jhun Cordero nga angay suportahan ang community pastries kay walay laing tuyo niini ang pag-abag sa nanginahanglan.
Miuyon usab kini sa sugyot sa DILG nga angay mokoordinar ang organizers sa brgy,syudad o lungsod aron mapangandaman kon unsay matabang nga dili sila mabutang sa peligro ug sigurado nga masunod ang anti-COVID health protocols.
