CAGAYAN DE ORO CITY – Gialerto sa Office of the Civil Defense o OCD-10 ang kabaragayan batok sa grupo nga mangulekta’g 5-mil pesos nga processing fee gikan sa opisyales sa barangay sa nasud.
Gihimo ni OCD regional director Rosauro Gonzales ang pahimangno human mismo si NDRRMC Executive Director Ricardo Jalad ang naalaarma diin gipatoo nga mohatag sila’g calamity fund balor 10 milyon pesos sa kapi’g 42-mil ka brgy sa tibuok nasud.
Miingon si Gonzales nga walay kamatooran ang maong impormasyon ug dako kining pangilad hinungdan angay mag-alerto niini ang mga opisyales sa brgy.
Una na niini,nakaabot sa reklamo ang local govt unit sa La Union sa Luzon tungod kay gikolektahan sila’g 5-mil pesos nga pang-processing fee bugti sa gipasalig nga madawat nga calamity fund.
