CAGAYAN DE ORO CITY – Walay bisan unsa nga dagkong dugu-on nga hitabo nga nakatugaw sa siyam ka misa de gallo hangtod sa pagsaulog sa pasko sa Northern Mindanao.
Kini subay sa gihatag nga assessment ni Police Regional Office 10 Director Brig Gen Jaysen de Guzman kabahin sa hugot nila nga monitoring sa maong mga kalihukan.
Miingon si De Guzman nga nakab-ot ang hapsay nga kahimtang sa seguridad sa rehiyon kay napatuman sa ensakto ang security implementation plan ug misunod usab niini ang katawhan.
Partikular nga gipabantayan ang border line controls ingon man ang vital installations nga sayon maigo sa sabotahe.
Siya miingon nga walay ihatag nga kumpiyansa apan ipadayon ang taas nga alerto hangtod pa sa pagsulod sa unang semana sa Enero 2025.
