CAGAYAN DE ORO CITY – Gidala na sa lima ka provincial election supervisors gikan sa Northern Mindanao ang tanang certificate of candidacies sa aspiring candidates sa 2025 elections sa Comelec-Manila ning adlawa.
Kini subay sa mando usab sa ilang central office aron mahuptan ang maong mga dokumento ug mapaubos sa pagsusi ang mga unod niini.
Miingon si Misamis Oriental Provincial Election Supervisor Atty Carlito Ravelo nga rekisitos kini nga kinahanglang sila ang mohatod sa hard ug soft copies aron basehan kon kinsa ang angay makadagan o madeklara nga disqualified sa piliay sunod tuig.
Nasuta nga sa syudad ug lalawigan,dunay pipila ka nakaduso sa ilang kandidatura ang misibog ayha hingpit gisirad-an ang COC acceptance sa miaging semana.
Hisayrang gilangkuban sa Lanao del Norte,Misamis Occidental,Camiguin,Bukidnon ug Misamis Oriental ang rehiyon diin dunay duha ka highly urbanized cities nga giapilan sa Cagayan de Oro ug Iligan.
