CAGAYAN DE ORO CITY-Wala na’y lugway nga gihatag ang central office sa Commission on Elections o Comelec kabahin sa pagduso sa certificate of candidacy o COC sa mga kandidato modagan sa Brgy & SK elections ning tuiga.
Kini human kutob na lamang unya sa hapon ang pagdawat sa COC sa nagkadaiyang Comelec office sa rehiyon.
Miingon si Comelec regional director Atty Reynato Magbutay nga hangtod walay mando gikan sa ilang kadagkuan,dili na usab malugwayan pa ang COC filing sa mga kandidato ning adlawa.
Sugod kagahapong adlawa,may 38-mil 913 ka kandidato na ang nakaduso sa COC gikan sa 2-mil 022 ka brgy sa rehiyon.
