PC: PNP’s PIO
CAGAYAN DE ORO CITY-Gilugwa na sa Commission on Elections o Comelec ang porma aron gamiton sa mga tawo nga gusto modagan sa Brgy & SK elections ning tuiga.
Miingon si Comelec regional director Atty Reynato Magbutay nga anaa na sila sa 80 porsiento nga preparado sa piliay sa Mayo 14 ning tuiga.
Kini ang hinungdan nga gipatawag sa Comelec ang kasundaluhan ug kapolisan alang sa usa ka command conference sa Camp Alagar ning syudad kagahapong adlawa.
Nasayran nga gawas sa 4th ID,Philippine Army ug PNP-10,mitambong usab ang mga sundalo gikan sa Western Mindanao Command sa AFP nga nag-operate sa Lanao del Norte ug Misamis Occidental.
