CAGAYAN DE ORO CITY – Nagsaka pa sa 15-mil 095 ka kaso sa dengue ang natala sa Dept of Health o DoH 10 sa rehiyon sugod Enero hangtod Agosto 3 ning tuiga.
Gibutyag ni DoH regional director Dr Adriano Suba-an nga 60 sa maong mga biktima ang kumpirmadong nangamatay gumikan sa maong balatian.
Dugang ni Suba-an nga tungod niini nga ihap gikan sa rehiyon,nalabwan na niini ang epidemic threshold sa maong balatian.
Gani,gisulti ni Suba-an nga hayan ipaubos na ang nasud sa dengue national outbreak sulod ning semanaha.
