CAGAYAN DE ORO CITY – Mibati’g kabalaka ang Northern Mindanao Hogs Growers Association kalabot na sa report nga adunay mga canned goods nga nagbalor sa P220 billion nga giingong nagpositibo sa African Swine Fever ang nakasulod diha sa Mindanao Container Terminal o MCT sa Tagoloan, Misamis Oriental.
Si Northern Mindanao Hogs Growers Association president Benjamin Albarece miingon nga nahibulong siya kon nganong nakasulod ang “Ma Ling” gikan China nga giingong apektado sa virus taliwala sa hugot nga monitoring niini a kauluhan.
Siya miingon nga iya usab nakita nga gikompiskar kini sa MCT saTagoloan ug gisunog sa Mini Livestock Farm sa Barangay Balubal ning syudad.
Samtang, hugot nga gipanghimakak ni MCT collector John Simon sa Bureau of Customs ang report ug naglaraw siyang makigtagbo kang Albarece aron mahataga’g katin-awan ang maong alegasyon.
