CAGAYAN DE ORO CITY – Generally peaceful ang pasiunang assessment sa Police Regional Office 10 kabahin sa pipila ka kalihukan sa simbahang Katolika ug pagdagsa sa mga deboto sa nagkadaiyang religious sites aron mamalandong ning semana santa.
Kini human walay bisan unsa nga dagkong dili maayong hitabo nga nakatugaw sa kalihukan palibot sa rehiyon kagahapong adlawa.
Miingon si Police Regional Office 10 spokesperson Police Maj.Joann Navarro nga subay kini sa moninotoring sa ilang tactical operation center diin nakatutok sa lima ka probinsya sa rehiyon.
Namahayag si Navarro nga pamatu-od niini,mismo si PRO 10 regional director Police Brig Gen Lawrence Coop ang mihimo sa ocular inspection dinhi sa syudad ug lalawigan kagahapong adlawa.
Hisayrang libuang mga deboto ang mihimo sa bisita iglesia sa nagkadaiyang simbahan,pilgrimage sites sama sa bukid sa Malasag ingon man sa Berhin sa Guadalupe dinhi sa syudad;Divine Mercy Shrine sa El Salvador City;Sipaka Heights sa Talisayan,replika sa Christ the King sa Gingoog City,Panaad 2023 sa Camiguin ug daghan pang uban palibot sa rehiyon kagahapong adlawa.
