CAGAYAN DE ORO CITY- Gihulatan sa National Police Commission o Napolcom-10 ang resulta sa imbestigasyon sa Regional Internal Affairs Services Unit o RIAS sa misencounter sa duha ka pulis nga gikaangol sa upat ka sibilyan diha sa Brgy Puerto ning syudad.
Gibutyag ni Atty. Robert Lou Elango, chairman sa Police Regional Appellate Board of Napolcom-Northern Mindanao nga ilang kasuhan sa “serious irregularity in the performance of duty” ang pulis nga unang nakapabuto sa iyang armas.
Si Elango miingon nga gidili na sa balaod ang pagpabuto sa armas ilabina sa pampublikong lugar.
Hisayran nga gibutang karon sa holding office ang duha ka mga pulis nga nalambigit sa misencounter nga sila si Police Staff Sgt Arman Tagolimot sa Provincial Intelligence Branch sa Misamis Oriental PNP ug Police Chief Master Sgt Jose Ryan Sevilleno sa Cagayan de Oro City Police Office.
