CAGAYAN DE ORO CITY-Taman na lamang sunod semana ang pundo sa NFA rice ning syudad.
Kini ang gibutyag ni NFA Regional Director Fernando Nuñez nunot sa isyu sa kakukang sa mga bugas sa ilang ahensiya.
Gisugilon ni Nuñez nga ang isla na lamang sa Camiguin ang nagbaton sa igong suplay sa NFA rice hangtud matapos ang bulan sa Abril 2018.
Dugtong niini, gihimakak ni Nuñez ang report nga nagkulang na sa supply sa bugas ang tibook Pilipinas.
Miingon si Nuñez nga anaa lamang sa 5% ang produksyon sa NFA rice sa nasudnong merkado itande sa 95% nga gidaghanon sa commercial rice.
Kini nagpasabot nga bastante pa ang suplay sa bugas sa pilipinas kung commercial rice ang hisgutan.
Nanghinaut ang ahensiya nga masabtan sa kinabag-an katawhan ang kakulangon sa ilang NFA rice.
