CAGAYAN DE ORO CITY – Dili na mohimo’g laing hugna sa unity walk ang mga sakop sa Northern Mindanao Federation of Transport Service Cooperative (NOMFEDTRASCO) batok mga senadores sa nasud.
Kini human gilayong nang giprangkahan ni Pres Bongbong Marcos nga wala na’y pag-oktaba sa public transport modernization program (PMP) kay mihangyo ang MANIBELA ug PISTON.
Miingon si NOMFEDTRASCO chief executive officer Luzminda Escobidal nga ensakto ang hukom ni Marcos ug nalipay sila pag-ayo niini.
Una nang miangal ang grupo kay nakahinayak na sila ug dagko’g gasto sa katukuran sa transport cooperatives pinaagi sa bank loans aron masunod ang dikta sa Department of Transportation o DOTr.
