CAGAYAN DE ORO CITY – Nakumbinsir si Pres Rodrigo Duterte sa pagka-sensiro sa trabaho ni PNP officer-in-charge Lt Gen Archie Gamboa.
Kini ang rason kon nganong hingpit nang gitudlo ni Duterte ang taga-Bukidnon nga police general nga panguluhan ang PNP nga pila ka bulan usab nga walay nangulo.
Miingon si Duterte nga angayan nga madumduman sa publiko ang maayong performance ni Gamboa ilabina nga kanhi usab kini nadestino sa Davao City sa iyang junior officer years sa dekada 90.
Si Gamboa ang hulip kang resigned PNP chief Dir Gen Oscar Albayalde kinsa nabutang sa kontrobersya tungod sa isyu sa shabu recycling issue sa Pampanga tuig 2013.
Samtang nanghinaut ang Police Regional Office o PRO 10 nga dili mabulit sa kontrobersiya sama sa drug-recyling ang bag-ong gitudlo ni Pres Rodrigo Duterte nga PNP chief nga Lt. Gen. Archie Gamboa.
Gibutyag ni PRO 10 spokesperson Lt. Col. Mardi Hortillosa nga hinoon nakita nila ang pagka-sensiro ug kaligdong ni Gamboa sa pag-abot sa trabaho.
Dugang ni Hortillosa nga unta mabalik ang pagsalig sa katawhan nga apektado tungod sa kontrobersya nga gilambigitan ni Albayalde niadtong Oktubre 2019.
