Wala miduyog ang Northern Mindanao Federation of Transport Service Cooperative (NONFEDTRANSCO) sa gilusad nga nationwide transport strike nga gipanguluhan sa PISTON ug MANIBELA.
Miingon ang NONFEDTRANSCO sa BOMBO RADYO nga dili nila gusto nga maglisud sa pagbiyahe ang mga commuters.
Matud ni Chief Executive Lalaine Escobal, dili angay silotan ang katawhan tungod sa mga isyu sa anomalosong flood control projects.
Gitin-aw ni Escobal nga suportado nila ang tumong sa transport pahulay nga kondinahon ang lapad nga kurapsyon sa DPWH apan, dili nila gusto iparalisar ang trapiko sa rehiyon.
