Gilaoman sa 4th Infantry Division sa Philippine Army nga susama sa rehiyon sa Caraga, ang Northern Mindanao mahimo na usab nga ideklarar nga stable internal peace and security (SIPS) sa dili madugay.
Tungod niini, nagpabilin nga hugot ang pagbantay sa mga awtoridad sa mga kabukiran sa rehiyon aron hingpit nga mapakgang ang mga rebeldeng naningkamot nga makapang-recruit og mga bag-ong sakop.
Subay sa pamahayag ni LTC. Joe Patrick Martinez, ang tigpamaba sa 4th ID Philippine Army, bisan og wala nay armado nga NPA sa CARAGA region, aduna pa gihapoy mga naglihok nga recruiter nga nagtago isip mga ordinaryong sibilyan sa mga eskwelahan ug institusyon.
Gumikan niini, gihatagan og prayoridad sa militar ug sa tibuok gobyerno ang pagpasaka og mga kaso batok kanila kalabot sa human trafficking ug terrorism financing.
