Mupatuman sa “maximum police visibility” ang tanan personahe sa Police Regional Office – 10 alayon sa pagtamod sa Kalag-kalag sa rehiyon sa Northern Mindanao.
Namahayag si Police Brigadier General Christopher Abrahano, acting PRO-10 Director nga importante ang igong pagpangandam ug pag-alerto sa ilang han-ay ilabe na nga dili malikayan ang nangagi nga panghitabo sa aksidente sa dalan ug sa posibleng pagkuyanap sa “petty crimes”.
“We urge everyone to always practice safety and discipline while traveling. Let us remain cautious on the road and alert in crowded areas to avoid untoward incidents. We want everyone to return home safely to their families,” ingon si Abrahano.
Gumikan niini lauman ang mas baga nga ihap sa mga pulis sa mga terminal sa bus, dagkung dala, mga sam-ang, ug uban pang mga lugar nga sagad dagsaon sa publiko.
Lakip sa imuntar ang mga police assistance desk, aron makatunol sa hinanali nga ayuda sa publiko.
Kining tanan tipik sa ilang kampanya sa OPLAN LIGTAS UNDAS.
“Your police remain fully committed to maintaining peace and order during this solemn occasion. Kailangan din namin ang inyong kooperasyon. Maging mapagmatyag tayo sa ating paligid at laging mag-ingat,” gidugang ni Abrahano.
Aron magiyahan ang mga biyahero ug motorista, ang PRO10 hugtanong mi-enkorahe sa tanan nga obserbahan ang BLOWBAGETS road safety reminder.
Kini nagpasabot sa pag-andam ug pag check sa Battery, Lights, Oil, Water, Brake, Air, Gas, Engine, Tire, and Self.
Tumong niini nga mahimong luwas ang matag biyahe ug makalikay sa aksidente.
Nagpadumdum usab ang kapulisan sa tanan muduaw sa menteryo nga adeser mubiya sa balay kinahanglan ikandado kini o pabantayan sa silingan.
Kung magbilin sa mga minors, kinahanglan padumduman sila nga mag-igmat samtang nahibiling sa balay.
Sa panahon sa emerhensiya, mahimong mutawag sa ilang police hotline 911 o pakitabang sa labing duol nga istasyonan sa pulis.
