Milanding sa ikalima nga puwesto ang Northern Mindanao sa Palarong Pambansa 2025, nga gipahigayon didto sa Laoag City, Ilocos Norte.
Sa pagtak-op sa torneyo, mukabat sa 31 ka medalyang bulawan, 26 silver ug 46 ka bronze ang nahakot sa mga atleta sa NorMin Stars.
Samtang ang Elementary ug Secondary Divisions sa rehiyon, mitapos sa ika-uno nga puwesto sa pagpakita sa kusog ug lig-ong talento sa mga batan-on sa naglain lain nga sports.
Sa Division Ranking, nag-una ang Iligan City sa ika-6th place; samtang ang Misamis Oriental nakab-ot ang ika-11th spot.
Maoy milabaw sa tanan atleta sa NorMin Stars si Shayne Mark Monreal nga makakuhag upat ka medalya.
Ang 9-anyos nga si Monreal ang milabaw sa kompetisyon sa elementary boys’ arnis.
Sa iyang debut sa Palaro, si Monreal nagdaug sa synchronized likha anyo single weapon, double weapon, likha anyo espada y daga, ug mixed double weapon events.
Tungod sa iyang dominanteng performance, siya nahimong usa sa labing “bemedaled” nga atleta sa maong kompetisyon.
Si Monreal nagpasalamat sa iyang unang higayon sa Palaro, ug nagpadayag sa iyang pangandoy nga mahimong miyembro sa Philippine team.
Siya miingon nga nakat-on siya sa arnis pinaagi sa iyang kaklase, ug kini naghatag kaniya sa inspirasyon nga magpadayon sa dula.
