CAGAYAN DE ORO CITY-Gihupay sa 4th ID, Philippine Army ang kabalaka sa publiko kabahin sa mga report nga nag-abot ang recruitment sa Maute-ISIS dinhi sa Amihang Mindanao.
Miingon si 4th ID spokesperson Capt Joe Patrick Martinez nga nagpabiling negatibo sa presensiya sa maong grupo ilabina ang syudad hangtod ning panahona.
Gibutyag ni Martinez nga usa sa mga pagmatood niini nga wala pa’y nasikop ang naglangkob sa Martial Law Special Action Group o ML-SAG nga gitahasan sa pagsanta sa bisan unsa nga terorismo nga kalihukan nga ikatag dinhi sa rehiyon.
