Mipadayag sa kabalaka si Luzminda Escobidal, presidente sa PN ROA Canitoan Transport Cooperative o PONTRANSCO, kabahin sa mga hagit nga nasinati sa mga transport cooperative ilalom sa service contracting program.
Matud niya, apektado ang ilang mga drayber tungod sa kalangan sa pagproseso sa sistema nga gigamit sa programa.Dugang pa ni Escobidal, adunay mga problema nga nasuta sa transport service devices, ilabina sa QR scanner nga gigamit sa pagrekord sa serbisyo.
Tungod niini, misaka usab ang mga reklamo gikan sa mga operator ug drayber sa nagkadaiyang kooperatiba.Giingon niya nga gawas sa teknikal nga mga problema, nagdugang usab kini sa ilang mga gastuhon sa operasyon.
Busa, naglaom ang mga transport cooperative nga matubag dayon ang maong mga isyu aron dili masamok ang ilang adlaw-adlaw nga serbisyo.
