Notoryus nga robbery gang lider, napatay sa kapolisan sa Misamis Occidental
CAGAYAN DE ORO CITY-Napatay sa kapolisan ang gikaintapang notoryus robbery gang lider nga naglihok sa Misamis Occidental ug ubang bahin sa nasud.
Kini human gilusad sa kapolisan ang operasyon batok kang gang leader Jovenji Alferez alias Jojo nga nagpuyo sa Brgy Sta Maria, Tangub City.
Miingon si PNP regional director Police Brigadier General Timoteo Pacleb nga mismo ang tropa ni Misamis Occidental Provincial Police Office Director Police Col Danildo Tumanda ang mihimo’g operasyon batok kang Alferez.
Namahayag si Pacleb nga anaa usab sa listahan ni Pres Rodrigo Duterte ang pangalan ni Alferez.
Nasayran nga si Alferez ang bag-o pa nakagawas sa prisohan tungod sa kasong murder ug pagpanulis apan giingong wala pa gihapon kini magbag-o sa iyang kinabuhi ug may koneksyon gihapon sa martilyo gang.
