CAGAYAN DE ORO CITY-Nabawi sa militar ang kampo sa rebeldeng New People’s Army o NPA atol sa engkuwentro tali sa duha ka grupo sa lungsod sa Sugbongcogon,Misamis Oriental kagahapon sa buntag.
Gihimo ni 58th IB spokesperson 1Lt Janelle Diaz ang kompirmasyon dungan sa pag-angkon nga napatyan sila’g usa ka sundalo atol sa maong engkuwentro.
Gibutyag ni Diaz nga nabawi usab nila gikan sa mga rebelde ang mga pagkaon ug personal kagamitan sa dihang nahitabo ang engkuwentro.
Una nang naigo sa mga bala si PFC Oshine Rosala nga taga-Brgy Napaliran,Balingasag,Misamis Oriental hinungdan sa kamatayon niini kagahapong adlawa.
Nasuta nga ang grupo sa Guerrilla Front Committee 4-B ang na engkuwentro sa militar hinungdan sa kamatayon sa sundalo.
Gani,mipabuto pa’g kanyon ang mga sundalo aron ma-neutralize ang maong mga rebelde.
