CAGAYAN DE ORO CITY – Wala pay identidad ang usa ka NPA fighter nga napatay sa duha ka hugna nga engkwentro tali na sa mga sakop sa 8th Infantry Batallion didto sa Brgy Gilang-Gilang Manolo Fortich ug Kalabugao Impasug-ong Bukidnon, niadtong Mayo 9 ug Mayo 10.
Gibutyag ni Civil Military Officer 1st Lt. Kenneth Cabbigat nga narekober sa encounter site ang M-16 rifle sa napatay nga sakop sa New Peoples Army, ug usa ka bag nga dunay subversive document.
Gibana-bana nga muabot sa 50 nga sakop sa NPA ang na-engkwentro militar.
Hinoon, walay samaron sa kampo sa 8IB sa duha ka adlaw nga sinukliay sa mga buhing bala.
