CAGAYAN DE ORO CITY-Nabawi sa 58th IB,Philippine Army ang tag-as nga kalibre nga armas gikan sa
rebeldeng New People’s Army o NPA atol sa engkuwentro sa Sitio Kapatagan,Brgy Umagos,Lagonglong,Misamis Oriental.
Miingon si 4th ID spokesperson Capt Joe Patrick Martinez nga maoy na engkuwentro sa ilang tropa ang mga NPA nga responsable pag-atake sa police station sa lungsod sa Binuangan ning lalawigan sa miaging adlaw.
Kabahin sa nabawi ang M-16 ug Garand rifles nga giingong nabiyaan sa misibat nga mga terorista.Hinoon,pulos walay natala nga nakalas gikan sa duha ka panig atol sa hitabo.
Una nang gikonsiderar ni Pres Rodrigo Duterte nga teroristang pundok ang NPA nga armadong miyembro sa Communist Party of the Philippines o CPP.
