CAGAYAN DE ORO CITY – Patay ang gikonsiderar sa militar nga taas nga opisyal sa CPP-NPA partikular nga ubos sa Sub Regional Sentro De Grabidad of the Subregional Command 1 of North Central Mindanao Regional Committee sa Sitio Mangelit,Brgy Bal-ason,Gingoog City,Misamis Oriental.
Kini human miulbo ang engkuwentro tali sa 58th IB,Philippine Army ug sa maong pundok kagahapon sa udto.
Gibutyag ni 58th IB commander Lt Col Ricky Canatoy nga nahitabo ang engkuwentro tungod sa pagsulbong sa pipila ka residente kabahin sa presensiya sa mga rebelde sa maong lugar.
Narekober sulod sa encounter site ang M16 rifle, duha ka magazines M16, upat ka magazines sa M14, tulo ka rifle grenade, assorted medicines, personal belongings, subversive documents ug duha ka backpacks.
Sa pagkakaron,padayong gisudlay pa sa militar ang lugar sa posibleng mga samdon nga mga rebelde nga naka-eskapo gikan sa engkuwentro kagahapong adlawa.
