CAGAYAN DE ORO CITY – Nasikop sa militar ang usa sa 14 ka sakop sa NPA rebels nga misunog sa upat ka sakyanan nga ubos sa plantasyon sa Del Monte Philippines sa Brgy Bulahan,Claveria,Misamis Oriental.
Kini human naapsan sa 58th IB,Philippine Army ang grupo ni Ronald Sacal alyas Tonton sa Sentro de Gabridad Edot sa Sub-regional Committee 1 nga pasibat rason sa engkuwentro kagahapon sa buntag.
Gibutyag ni 4th ID spokesperson Maj Jhun Cordero nga sa pagkasikop ni alyas James,nabulgar nga pagpangilkil ang motibo sa grupo ni Sacal ngadto sa kompanya.
Kabahin sa kasuha’g arson ug pagsupak sa Act Defining and Penalizing Crimes Against International Humanitarian Law,Genocide and other Crime Against Humanity si Dionesio Micabalo alyas ‘Mulong’ nga nagsugo kang Sacal nga sunugon ang mga sakyanan.
