CAGAYAN DE ORO CITY – Napamatud-an sa kanhi rebelde dakong bakak ang psychological warfare propaganda sa CPP-NPA kaniadto nga kamatayon ang ilang dangatan kon motaha’g balik sa gobierno pinaagi sa mga sundalo.
Kini human giluwas,gitambalan ug gitabangan makatindog balik si kanhi NPA member Arnel Arcayan aron magbag-o gikan sa siyam ka tuig niyang pakig-engkuwentro sa kagamhanan.
Siya miingon nga dihang naigo kini sa likod sa pakig-engkuwentro sa mga sundalo, nakabalik siya’g sampit sa Ginoo ug naghangyo nga unta dili pa mamatay.
Kini tungod kay gusto pa niya makita’g balik ang iyang pamilya human siya biya-e sa mga kauban niini kay naniguro lang sa ilang mga kaluwasan.
Nasulti niini nga kon anaa aktibo sa kalihukan ang mga miembro CPP-NPA, walay luna kanila ang Ginoo apan e-hurot ang pagsalig ngadto sa gigamit nga armas batok sa mga kaaway.
