CAGAYAN DE ORO CITY – Gihatod na sa militar ngadto sa pamilya sa Luzon ang babayeng sakop sa NPA rebels nga napatay sa engkuwentro sa Camp 9, Purok 16, Sunnyday, Butong, Quezon, Bukidnon.
Miingon si 10th ID spokesperson Maj.Mark Anthony Tito nga subay sa ilang intelligence monitoring,dagha’g kasong kriminal nga giatubang si alyas Rika tungod sa pagsilbing opisyal sa armadong kalihukan.
Siya miingon nga gawas sa tulo ka sakop sa NPA nga nadakpan,mi-surender usab si alyas Del pipila ka oras gikan sa engkuwentro sa maong lugar sa miaging semana.
Nabawi sa hiniusang operasyon sa militar ug kapolisan gikan sa maong mga rebelde ang Carbine Rifle, AK47 Rifle, aliber .45 pistol, upat ka backpacks, anti-personnel mine ,hand grenade, ug duha ka 40mm high-explosive grenades.
