CAGAYAN DE ORO CITY – Natugyan na sa militar ngadto sa pamilya ang NPA member nga napatay sa engkuwentro sa Sitio Kayagan,Brgy Quezon Heights,Balingasag,Misamis Oriental.
Kini human nahaw-as sa 58th IB ang patay’ng lawas sa rebelde nga si Miguel Sereño alyas Zoren,vice squad leader sa mga rebelde sa encounter site.
Miingon si Lt Col. Christian Uy,commander sa 58th IB nga nabawi gikan kang alyas Zoren ang iyang Ingram rifle,bomb making materials ug personal belongings.
Subli nanawagan ang militar sa mga kauban ni Sereño nga mobalik na sa gobierno aron manginabuhing normal kuyog sa ilang mga pamilya.
