CAGAYAN DE ORO CITY – Napatay sa tropa sa 8th IB,Philippine Army ang sakop sa CPP-NPA sa engkuwentrong natigayon sa Sitio Bendum,Brgy Busdi,Malaybalay City,Bukidnon.
Giila ni 4ID spokesperson Lt Col Francisco Garello Jr ang rebelde nga si Norbert Lipanda alyas Omar,squad leader sa Headquarters Force Neo sa North Central Mindanao Regional Committee.
Nabawi kang Omar ang M-16 rifle human sa engkuwentro.
Samtang nabawi usab sa hiniusang puwersa sa 1st Special Forces Batallion ubos sa 403rd IB ingon man sa 55th IB ug 5th IB nga sakop sa 103rd Infantry Brigade ang napulo ka tag-as nga mga armas sa magkalahing lungsod sa Lanao del Sur.
Kini gilangkuban sa walo ka M-16 rifles; Carbine ug AK-47 rifles.
Sa miaging semana,nadakpan usab sa 58th IB ang samaron nga NPA member nga si Garin Ayuma alyas Jerick sa engkuwentro sa Misamis Oriental ug laing Jerome Babion nga boluntaryong mitahan sa 403rd IB headquarters pinaagi sa tabang ni Bukidnon Provincial Gov. Oniel Roque.(VO).
