CAGAYAN DE ORO CITY – Napatay sa opensiba sa militar ang giingong sakop sa rebeldeng New People’s Army (NPA) sa dihang natigayon ang 20 minutos nga sinukliay sa mga bala sa Brgy Alagatan,Gingoog City,Misamis Oriental.
Gibutyag sa bag-ong 58th IB commander Lt Col Christian Uy nga mihimo sa combat operation ang ilang tropa kabahin sa gihatag nga impormasyon gihatag sa RPSB-10 sa lugar hinungdang nasugat nila ang bana-bana nga napulo ka sakop sa CPP-NPA’s Platoon Falcon,Sub-Regional Committee 1 nga ubos sa North Central Mindanao Regional Committee sa lugar.
Gawas sa nabangalang lawas sa lalaki nga suspected NPA member,nabawi usab ang M-16 rifle ug duha ka backpacks.
Samtang namugos ang militar nga walay namatay o samaron gikan sa ilang hanay sa maong hitabo kagahapong adlawa.
