CAGAYAN DE ORO CITY – Napatay sa tropa sa 4th ID,Philippine Army pinaagi sa 1st Special Forces Batallion ang usa ka sakop sa rebeldeng New People’s Army o NPA nunot sa engkuwentro nga natigayon sa Purok 6,Brgy Imbayao,Malaybalay City,Bukidnon.
Giila ni 4th ID spokesperson Maj Francisco Garello Jr ang rebelde nga si Darren Jane Tilucan kinsa kabahin sa nabiyaan sa pagsibat sa mga kauban niini palayo sa encounter site.
Gibutyag ni Garello nga nakompiskar usab sa lokasyon sa engkuwentro ang duha ka M-16 rifles.Namahayag ang 4th ID nga ang halos 10 ka sakop sa NPA nga na-engkuwentro sa ilang tropa ang gikan sa sub-regional command 5 sa North Central Mindanao Regional Committee nga naglihok sa Lanao del Sur.
Dumduman nga sa miaging Abril 6,napatay sa susama nga tropa sa 4th ang upat ka NPA officials sa engkuwentro sa Brgy Tikalaan, Talakag, Bukidnon.
