CAGAYAN DE ORO CITY- Gisunog sa rebeldeng New Peoples Army o NPA ang usa ka bonggo sa Purok 1 Brgy Kabangahan, Malaybalay City Bukidnon kaganihang kadlawon.
Gibutyag ni 403rd Brigade Philippine Army commanding officer Brig Gen Edgardo de Leon nga anaa sa 10 ka sakop sa NPA ang mihimo sa pagbubo sa gasolina nga mi-resulta sa pagkasunog sa maong bonggo nga gipanag-iyahan sa usa ka sibilyan.
Matud ni De Leon nga daling misibat ang mga rebelde human sa hitabo.
Nanganti ang mga otoridad nga kasuhan ang mga rebelde nga miguba sa ilang kabtangan.
